生果報擒日新聞頭版係一個疑似7歲嘅小童係公眾場所喝罵父母。無錯，唔係老豆老母鬧個仔，而係掉番轉頭。可能係咁嘅原因生果報放晌頭版做。生果報網站有果條新聞短片。個細路好似因為被父母叫出街感到唔滿意所以發皮四，仲愈鬧愈起勁，連周圍圍觀D人都唔放過，甚至粗囗都用埋。而果對父母係完全無還擊之力，淨係好無奈咁企響一邊。
大部份人對衣件事嘅看法好似都係同情對父母，認為個仔好唔啱。我好奇咁諗，會唔會有人出嚟抽水，話條靚仔係黃毓民或長毛fan屎，所以咁激嘅行為受佢地影響？先排除條靚仔唔係有果D燥狂症或情緒問題之類嘅病，佢咁嘅行徑當然令人側目，但係佢嘅父母我覺得係完全唔值得同情，應該要為靚仔嘅行為付上最大負責。
個小朋友嘅行為，係非常野蠻無家教兼無禮貌。不過我相信佢唔係一生出嚟就係咁樣，而係長年累月，慢慢積累出嚟嘅結果。我地每個人嚟到呢個世界都係一張白紙，會變成點絕對係後天嘅影響。當中父母嘅影響一定最大。咁我唔係話父母衰D仔女一定唔好，不過衰嘅機會就肯定大過好。例如一入地鐵個呀媽拖著個仔死衝去霸位，個仔大咗點會有禮貌？見人示威抗議就話係激而完全不理背後原因，個女日後點個識得分辨是非？
養小朋友唔係比飽飯佢地食，比夠衫佢地著就得。如果唔識得教，我覺得就唔應該生。要生，就要盡力將佢地教好。
-- 發送自我的 iPad
小朋友未懂認知, 必定要教他們;
ReplyDelete這不是權威, 而是保護他們及盡己負責.
如果當時人就的不願教, 同意你所說的"唔應該生". :)
總之見到條靘仔﹐就想DULL巴星佢。
ReplyDelete我還是喜歡以前個代﹐有晚輩長輩之分﹐對父母也有尊重。
DeepC
ReplyDelete最怕係阿爸阿媽將自己一套錯的觀念教給細路，咁就害了對方和社會。
muzikland
ReplyDelete不知這個小孩大了會變成怎麼樣。