唔知李少光有冇女呢?

果日當我係新聞報導中聽到李少光話香港公安延遲左四日至公布觀塘發生嘅連環風化係為了保護私穩，我第一時間諗到嘅係究竟佢有冇女或者孫女。因為為人父母者，其中最唔想就係衣類風化案係自己個女身上發生。而香港公安嘅做法就係朝相反方向去做。

我認為風化案係嚴重罪行，有關當局好應該以最快速度公布事件，等大家(少女或少女家長)有所警惕同防範，而唔係故意隱瞞。如果香港公安係發生左第一件案後立即公布消息，第二三四宗案件好有可能就完全唔會發生，受害人數就會大大減少。當然，衣個係要為官者真係”以民為本”至會出現。

李少光嘅解釋係荒謬絕倫，完全係九唔搭八兼ON 9。情況就如點解唐英年有條件做特首，係因為某人收到神的意旨。公布案件點解會侵犯私隱?係侵犯了邊個人私隱? 若選擇公布乜過程一定要公開受害人資料? 凈係向市民提出警告可唔可以?咁簡單都唔識做，李少光仲好唔好意思逗幾十萬人工?你同我都有份出量比佢架。

比李少光解釋更荒謬咁係有人認為唔好再去怪責D香港公安。大家應該以和為貴，吸取經驗，一起往前看。我除了希望衣D人如果有女嘅話永遠唔會遇到衣D不幸事件。同時面對泛民主派或80後青年一D所謂”過激”嘅行為時，係會以同一把尺咁睇件事。